2018/11/12

මේ දිනවල පැතිරෙන මාරාන්තික ගෙඹි උණ තත්ත්වයක්

ලෝකෙන් උතුම් රට ! 

මන්තිරිවරුන්ගේ “ඔළු ගෙඩි“ ගණනින්   , වාසි පතා පක්ෂ අතරේ පනින්නන් සහ තව වාසිය වෙනුවෙන් ආණඩු පෙරලන හැකියාව අනුව  ලෝකෙන් ඉහළින්ම ඉන්න , ‍“සිරි“ ලාංකිකයන් , අළුත උපන් දරුවා පවා ලක්ෂ හතර පහක ණය කාරයෙක්ව සිටියදීම , තමන් ගෙවන බදු මුදලින් අකාළයේ රුපියල් බිලියන හතරක් පහක් විසිකර , තවත් ස්වයං වින්දනීය ඡන්දයක “වින්දනීය සිහින“ දකින මොහොතක වෙනදට වඩා ටිකක් වෙනස් ලිපියන් ලියන්නට හිතුනා. ඒ තමන්ගේ ඡන්දය ලබා දීමට සුදුස්සෙක් තෝරා ගන්නෙ කෙසේද යන කාරණේ ගැන. මාතෘකාව කියවපු ගමන්ම පෝස්ට් එක කියවන එක අතෑර දාන්න හිතුන අයට සුබ ගමන් , රැඳෙන කෙනෙක් කියවා යමක් තේරුම් ගන්නට උත්සාහ කළොත් එයම ඇති. 

2018/11/10

226) Pain නසන Game

“සුබ දවසක් කොර් , මොනවද අළුත් තොරතුරු ?“ සුපුරුදු විදියටම  කට පුරා සිනාවකින් , ගතේ  වේදනාව වසාගෙන  ඒකකයට ඇතුළු වන “කෝර්“ මහත්මයා වයස අවුරුදු අසූව පැනපු , කාළින රෝගයකින් “වේදනා විදින“ අපේ තවත් එක් සේවාලාභියෙක්.වියපත් වීමත් සමඟ ඇතිවන මොළයේ දුර්සවලතාවයක් සහ කල්පනා කිරීමේ හැකියාව යම් තරමකට අඩුවීමක් තිබුණත් , බොහොම සුන්දර ගති පැවතුම් තිබෙන ඇත්තටම “මහත්මයෙක්“.
මෙහෙට හරි වැස්ස (හිම වැස්ස) 

“හරිම ලස්සන දවසක් මයික්! ,කොහොමද ඔයාට ?  ඔයා ගියානේද කදු පැත්තේ? ලස්සන ඇති නේ? මට යන්න විදියක් නැහැනේ මේ දරුවගේ නීති නිසා “ කෝර් උත්තර දුන්නා.

“හ්ම් , අපි ගියා ඊයේ , ස්නෝ තිබුණා අඩි බාගයක් විතර , ඔයාගේ කැබින් එක වට වෙලා තිබුණෙ, නොගිය එක හොඳයි , නැත්නං වෙන්නෙ දවසෙම ස්නෝ අඳින්න තමයි“

මේ කෝර් මහත්තයා අප ඒකකයට එන්නේ , ඔහුගේ මොළය සහ මතකය ආශ්‍රිතව ඇතිවෙලා තිබෙන ගැටළුකාරී තත්ත්වය උග්‍රවීම පාලනය කරගන්නත්  , කාළයක් තිස්සෙ විඳවන “තදබල වේදනාවට“ ඖෂධීය නොවන ප්‍රතිකාරාත්මක චිකිත්සාවකට යොමු වන්නත් බලාපොරාත්තුවෙන්. අද දවසේ වැඩසටහන පටන් ගන්න වෙලාව තිබෙන නිසාත් , අවුරුදු  හැටක් තිස්සේ හිම ක්‍රීඩාවලින් සතුට ලැබූවෙක්ගේ හිතට දැනෙන හැඟිම අනුවත් තීරණයක් ගත්ත.

“කෝර් , අපට පැය බාගෙකට වැඩිය තියෙනවා , යමුද VR tour එකක්? , සමහර විට ඒ අතරෙම ට්‍රීෂියා ඇවිත් තුවාලෙට බෙහෙතුත් දාල දේවි.“ 

මගේ යෝජනාවට ඉහළින්ම එකඟවුනු “කෝර්“ , තමන්ගේ සැප පුටුවේ සනීපෙට දිගාවුනේ කෝපි කෝප්පයත් ළඟට අරගෙනම.

“අපි අද යමු ක්‍රොස් කන්ට්‍රි ස්කී එකක්“

මේ අපේ කෝර් මහත්තයා වගේම කෙනෙක් 
කෝර් මහත්මයා කන්දක ස්නෝ සවාරියේ යන අතරේ , ට්‍රීෂියා ඇවිත්,

“හේයි කෝර් මහත්මයා , මම ට්‍රිෂියා , තුවාලෙට බෙහෙත් දාන්න ආවා“
“ඕ්කේ ඕකේ , මම ලොකු වැඩක , කරන දෙයක් කරන්න“ ඇස් පලදනාව අතින් එහා මෙහා කරන ගමන් උත්තර දුන්න.

වෙනද තුවාලෙ දිහා බලාගෙන එහෙට මෙහෙට ඇඹරෙන කෝර් , අද කිසි වගත් නෑ , යන්තමට කකුල හෙලෙව්වා විතරයි.

“හරි , තුවාලෙට බෙහෙත් දැම්මා , හෝම් නර්ස් ඒවි දවස් දෙකකින් , එහෙනම් මම යනවා කෝර් මහත්මයා“ ට්‍රීෂීයා උපකරන එකළස් කරන ගමන්ම කතාව.

“බෙහෙත් දාලත් ඉවරද , මං හිතුවේ තව වෙලා යාවි කියල, මට නං මේ ගේම් එකේ තව තතත්පර විස්සක් විතර යන්න තියෙනවා, ඕකේ , තැන්ක්ස් ට්‍රීෂීයා“ වෙන කිසි වගක් නැතිව කෝර් උත්තර බැන්ද.

මෙ කතාබව අද සටහනකට එකතු කළේ , අද දවසේ වෛද්‍යතාක්ෂණයේ තවත් ඖෂධීය නොවන ප්‍රතිකාරාත්මන ක්‍රමයක් හඳුන්වා දෙන්න. ඒ තමයි Virtual Reality Therapy  නැත්නම් VR Therapy,

පසුගිය වසර 20-25ක කාළය පුරා මේ ප්‍රතිකාරාත්මක ක්‍රමය පරික්ෂණ තත්ත්වයේ ක්‍රියාත්මක කෙරුනත් අද දවසේ ඩිමෙන්ෂීයා රෝගයෙන් , විවිද අහේතුක බිය Phobia තත්ත්වයන්ගේ , Post Traumatic Stress Syndrom PTSD , ළමුන් තුල හදුනා ගත හැකි ADHD, සහ  මානසික රෝග  තත්ත්වයෙන් වගේ රෝග/ ගැටළු ගණනාවකින් පෙළෙන පුද්ගලයන් සඳහා “ප්‍රතිකාරාත්මක ක්‍රමයක්“ ලෙස භාවිතයට ගන්නවා.

මේ පිළීබඳව තව දුරටත් පර්යේෂණ කෙරෙමින් යන අතර , සාමාන්‍ය  දරු ප්‍රසූතියේදි   ඉදිරියේදි සුළු ශල්‍යකර්ම , වෘත්තීය චිකිත්සක ප්‍රතිකාර ක්‍රීඩා චිකිත්සාව වැනි අංශ වලත් බහුලව භාවිත කිරීමට නියමිතව තිබෙනවා.