2012/01/29

81) ගල නොපතන්නයි ..හොඳටම බොන්නයි

හිම කුමාරියක්ද ?...
“ලොකූ ...මේ දවස් වල වෙනදට වැඩිය හොඳට වතුර බොන්න ඕන තේරුණාද ? ....අනෙක මේ කෑම දාන්නේ ගෙදර ගෙනත් කන්න නෙවි ...“ දෙන්නටම කියන්නේ ...අක්කට සැර දාන කොට හොරෙන් පැත්තකට වෙන “මිතිලි නංගිටත්“ එක්ක අම්ම දේශනයක් .. ඉස්කෝලෙට යන්න සූදානම් වෙලා උදේ පාන්දර හැමදාමත් ඔය වගේ උපදෙස් මල්ලක් ලැබෙනවා , ඒත් මේ දවස් වල හිම වැස්සත් එක්ක අපේ දෙන්නටම කන්න බොන්න “වෙලාවක්“ නැති බවයි හැමදාමත් හවසට දැන ගන්න ලැබෙන්නේ , හේතුව හොයල බලන්න නම් ඇඳුම් දිහා බලන්න ඕන , මේ දවස් වල කට්ටියට බර වැඩ , ඉස්කෝලේ පිට්ටනිය පුරා හදල තියෙන snow manලා , snow fairyලා හදන්න “ඉන්ටවල් “එක වැය වුනාම කන්න වෙලාවක් ඇතැයි නේද ? ....

2012/01/26

80) ඇහැ කට ලොකු කරන..ජීවිතේ කෙටි කරන..තද වුනු ඔළු ගෙඩිය

අද සොඳුරු සිප්හලට ලිපියක් එක් කළත් , මෙහි යමක් ලියන්නට හේතු සාධකයක් නොතිබු නිසා වගේම , ටිකක් සැපට නිදා ගන්න ඕන කියල හිතුන නිසා සොඳුරු සුව අසපුවේ කිසිත් නොලියන්නයි මුලින් අදහස තිබුණේ ..(මොකද හැමදාමත් ලෙඩ ලෙඩ...මේව කියවල කියවල එපා වෙන්නත් පුළුවන් නේ ..නේද ? ) නමුත් මීට පෙර ලිපියේ අදහසක් දක්වපු අපේ “ඕනයා මල්ලී“ ගේ කතාව කියවපු මට හිතුන අද ලියන්න යමක් තිබෙන බව ..ඔව් ඒ කතාවේ යම් අවාසනාවන්ත සිදුවිමක් වෙලා තිබුණත් ඒ සිදුවීමම හේතු පාදක කරගෙන , අඩුම තරමේ අපේ සිංහල බ්ලොග් පරිශ්‍රෙය් ඉන්න ඔබ සැමටවත් මේ අනතුරගැන දැනුවත් කරන එක සුදුසුයි කියල හිතුනේ , නැවතත් එවන් අවාසනාවන්ත සිදුවීමක් නොවන්නට මේ තත්ත්වය පිළිබඳ දැනුවත් වීම හරිම වැදගත් නිසා ..(ඒ නිසා මෙය ලියන්න හේතු පාදක වූ ඕනයා මල්ලිට ස්තුති කරන අතරේ , මේ “දැනුම බෙදීමේ  යම් පිනක් වේ නම් ඒ පින ,අපේ කතාවට අරමුණ සැපයූ ඕනයා මල්ලිගේ ,  මවට ලැබෙන්නටත් මම පතනවා..)

2012/01/24

79) නයන නිවන තිත් කොමාව ...

අද වැස්ස..තද හුළඟත් එක්ක ...ආරංචි විදියට හෙට අනිද්දා ටිකක් දරුණු කාළගුණයක් (Active weather) ඇති වෙන්න පුළුවන්ලු ..සීතල හුළං කපාගෙන පැටවු දෙන්නයි , මනෝජයි ගියා ඉස්කෝළෙට ..මම ගෙදර ..අද ටිකක් විවේක ගන්න පුළුවන් දවස ..කාළගුණේ එච්චර හොඳ නැත්ද කියල හිතුන නිසා ගෙට ඇවිත් රූපවාහිනිය නරඹන්නට හිතාගත්ත ...ක්‍රියාත්මක කළා ...මොන කාළගුණයක්ද කාටුන් චැනල් එකක් , ඊළඟට ..ඒකත් එහෙමමයි ..තව එකකට යමු ....මෙන්න හරිම ලස්සන  චිත්‍රයක් , රිද්මයක් එක්ක  පාඩමක් ...නැවතුනා ..ටිකක් බලන්න ඕන ...

2012/01/22

78) හැව හරින..පොතු හලන... කස කසා සැරිසරන “මිනිස්සු..“

අළුත් සටහනක් එක් කරන්නට මග බලා සිටියත් , පහුගිය දින ටික වෙනදට වඩා කාර්ය බහුල වුනා නිසා , බ්ලොග් සටහන ලිවීම වගේ “භාවනාවක්“ කරන්නට තරම් විවේකයක් නොලැබුණ තරම් , ඊයේ ලියන්න හිටියත් , බිරින්දෑ උපන් දින කේක් එකක් හදන්න කළ යුද්දේ එක්ක , මාත් එක් වුනු නිසා ඊයෙත් මගේ මේ අරමුණ ඉටු කර ගන්න බැරි උනා ..කොහොම උනත් අපි අද තියෙන  මිතිලිගේ උපන් දිනයට ලස්සන චිත්‍රයක් වගේ කේක් එකක් හැදුවා.(ලංකාවෙදි නම් පැය දෙකක් වගේ ටික වෙලාවකින් ලස්සන උපන් දින කේක් එකක් හැදුවත් , මෙහේ හැම දෙයක්ම ටිකක් වෙනස් නිසා , වැඩේ ටිකක් පමා වුනා, අනෙක ඉතින් birthday එක එක්කෙන්ගේ උනාට දෙන්නටම කේක් හදන්නත් එපායැ ) ...කයිවාරුව ඇති නේද ?....ඔන්න ඔය වැඩේ කරන අතරේ අපේ පවුලේ ළඟම මිතුරියක්ගෙන් ඇමතුමක් ලැබුණා ...“මනෝජ , මේ ඔයා සොරයිසිස් ගැන මොකද කියන්නේ ? ...ඒක හොඳ කරන්න පුළුවන්ද අනේ ...මගේ යාළුවෙක්ට තියෙනවා .එයා හරියම බයෙන් ඉන්නේ , ..“

2012/01/14

77) දෙයියන්ටත් කතා කරන ..රජ්ජුරුවෝ ඔයා ළඟද ?

මෙන්න පත්තරේ ...
ටිකක් පහු උනා අළුත් ලිපියක් එක් කරන්නට ..මේ දවස් වල ටිකක් වැඩ වැඩිය වගේ ..අනෙක කාළගුණෙත් දරුණූ වේගෙනයි එන්නේ ..අද හරි හෙට හරි වින්ටර් එකේ හොඳම කොටස ඇරඹෙන්නයි හදන්නේ ...ඒ වෙනුවෙන්ම Storm watch මගින් විනාඩි දහයකට වතාවක් විතර කාළගුණේ වෙනස්වීම් කියනවා ..සීතල , තෙත වැහිබර ගතියක් ..තද හුළඟකුත් එක්ක අවට පිරිල ...

2012/01/13

ප්‍රශ්නයක් දාන්න මෙන්න තැනක් ...

තමන්ට හරි පවුලෙ කෙනෙක්ට හරි ලෙඩක් දුකක් හැදුනාම අපේ හිත් රිදෙනවා , වෙනද තිබුණු සතුට සොම්නස අඩුවෙලා වගේ දැනෙනවා ...ඒ වෙලාවට මේ ලෙඩට දුකට නිසි පිළියමක් සොයාගන්නේ කොහොමද කියන එක ගැටළුවක් වෙන්නත් පුළුවන් ..ඒ කිව්වේ “මොකක්ද මේ ලෙඩේ ?“.....කියන තැන සිට මේ තත්ත්වයට ප්‍රතිකාරය සඳහා යොමු විය යුතු කුමන වෛද්‍යවරයාටද  කියන තැන දක්වාත් ...සමහර අවස්ථාවල ප්‍රතිකාර ගත්තත් ....බෙහෙත් පාවිච්චි කරන විදිය ...නිවැරදි ක්‍රමය ...ඖෂධ වල අතුරු පල ..ඒ හානිකර තත්ත්ව අඩු කරගන්නා විදිය නොදන්නවා වෙන්නත් පුළුවන් ..දැන ගත්තත් මේ වෙලාවට ඔක්කොම පටලැවිල වගේනේ දැනෙන්නේ ...අන්න ඒ වෙලාවට පුංචි උදව්වක් දෙන්න “සොඳුරු සුව අසපුවෙන්“ තවත් පිටුවක් වෙන්කළා ..

2012/01/07

76) හැමදාමත් Off වෙලා මැලවෙන මේ පිරිමි අගුල ...

 පොඩ්ඩිගේ බ්ලොග් එකේ කතාවට පිංතූරයක් හොය හොය පරණ පිංතූර මල්ලම ගබඩා කරල තියෙන External hard drive එක ඇවිස්සුව ...කොයිතරම් පිංතූරද ..අපි විවාහ වුන දවසේ ඉඳන් , පොඩ්ඩො දෙන්න ..එයාලගේ හැම සිදුවීමක්ම මේ පිංතූර අස්සේ තියෙනවා ... terabyte එකක හාඩ් එකේ .. බාගයකටත් වැඩිය එයාලගේ පිංතූරයි , පුංචි කාළේ හොඳ හොඳ සෙල්ලම් වීඩියෝ කරපුවයි .. ලිපියට හරියන පිංතූරයක් අමාරුවෙන් හොයාගෙන එයාලට දුන්නා බ්ලොග් එකට දාන්න ...(මේ ඒ බ්ලොග් සටහනට මඟ  http://dinithimithili.blogspot.com/)

2012/01/03

75) කොන හිරිවට්ටන.....ලඳ අත රිද්දන.. . උමඟ පටුවිම ....

දැනුත් minus ......
ඊයේ රාත්‍රි සේවා මුරය අවසන් කරල ...ගෙදර එන්න බස් නැවතුමට යන්න හිතාගෙන කළුවරේම එළියට ආව ...උදේ හතයි කාළයි. ...ඒත් ලංකාවේදි රැ පහමාරට වගේ කළුවර ...අද නම් වෙනදට වඩා සීතළයි ...weather forecast එකේ හැටියට නම් සෙල්සියස් සෘණ 14 විතර ....wind chill factor එකත් එක්ක සෘණ විසි දෙකක් විතර ඇති ...(ඒ කිව්වේ හමාගෙන යන හුඟළ ඇඟට වැදීමත් එක්ක හමට දැනෙන සීතල ප්‍රමාණය , මේ ලියන වෙලාවේ සෘණ 19 ) .....කොහොම වුනත් බස් එකට නැග්ගට පස්සේ නම් ලිප ගාව ඉන්නව වගේ තමයි , හොඳට උණුහුම් ...මොකද බස් එකේ Heaters දාල උපරිමේටම ....ගෙරද ආව ...තේ එකක් බීව ..වෙනද වගේ නෙවි ටිකක් ඇඟට අපහසුවක් ..පිටයි බෙල්ලයි හිර වෙලා වගේ රිදෙනවා ...හැරෙන්න නම් ඇඟෙන්ම හැරෙන්න ඕන හරිම අමාරුයි ...